Навокал усё, што так сэрцу няміла, па жылах цячэ неспакой. Паэт распраўляе, натужвае крылы і ў новы кідаецца бой. Жыць бы, як людзі, і сеяць на гонях аберуч нам хлеб і любоў, страх каб ня поўзаў крывавым сутоньнем ля сэрцаў і ціхіх дамоў. Каб кожны адчуў, калі сонца засьвеціць, свабодна тварыў на зямлі, ля бацькавых рук падрасталі каб дзеці і з матчынай мовай жылі. Ды супраць паэтаў – насільле і краты, у сэрцы народу ўвесь боль. А ў тых, самаўладных, расшчэплены атам: будзе няроўны бой...
|
|