Казік надзеў зялёны капялюш, Пайшоў у сад зьбiраць сьвiньням ападкi, А там, у жоўтым шапаценнi груш, Убачыў Казiк сiнi фартух маткi. Яна iшла праз агрэсту кусты, Празь мiтусьню камарыкаў-казюрак, Праз водар яблык, моцны i густы, Праз кветкi i лiсты рудых настурак... Шасьцелi на паўзьмежках пацукi, Трымцелi i гулi чмялi, жукi i восы... Казюк прыпаў да матчынай рукi, Расьцiснуты здарэньнем, безгалосы. І змоўклi восы, пацукi, жукi, Чмялi. Як бурачковая агатка, Сьляза зьляцела з матчынай рукi, І прыпынiлася на хвiлю ў садзе матка. А можа, й не хадзiў наш Казiмiр У сад, не сустракаў той любай маткi? Дый не, стаiць вядро, а ў iм ападкi, Дый у агатках-сьлёзах шэры жвiр.
|
|