 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Я душу на пясок растаўку,
Не прадам гадам-цмокам волю,
І траву апяку кроўю-сольлю,
Нож халодны аддам жабраку.
Упаду пад сухую сасну,
Пад самотную ў чорным полi,
З хрустам сьцiсну кулак да болю,
Вып’ю воцату i засну...
Я прайду праз уласны скон,
Як сьвятло працiнае сон
І як падае зь неба камень.
Я прачнуся, вятры гудуць...
І зацiсну я голаў рукамi,
Каб сьмяротнага крыку ня чуць.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
