РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Алесь Салавей
Вершы
Кантэкстны тлумачальны слоўнік
На магіле
Памяці роднага брата Уладзіка.
Памёр 30.X.1941.

 
Ці у ваднэй чужой бываў мясьціне,
Пярэчыў ці аднэй благой часіне,
Заскорблых душ няпрыязьнь абмінаў;
Хаваў свайго пачуцьці на чужыне;
Цябе, малодшага, заўсёды ўспамінаў;
Наведаў родны дом – і не застаў
Цябе жывым, няшчасны мой Уладзік.
. . . . . . . . . . . . . . . . . . . . . . . . . . . . . . . . .
Нямала час дзён шэрых прагартаў,
Нягоды зносіў я, дагоды спатыкаў,
Таго-ж, што ўжо няма цябе – ня знаў.
...Ня бачыш ты мяне зь зямлі сырой,
Ня чуеш, што я гутару з табой.
Твая магілка зарасла травой –
– І я над ёй з пахілай галавой.
Сагнуўся я, бы ніцы вербалоз,
Засеў у горле камень жорсткіх сьлёз.
Ніяк мне галавы ўгару ня ўзьняць,
Ня вырваць з горла каменя, сказаць:
– Калі-ж нас доля кіне раскідаць
Па сьвеце, і калі-ж, калі прыжджом
Часіны ўсім сабрацца ў войчы дом?
 
4.VI.1943.
 
 
 
 
Падабаецца     Не падабаецца
2009–2020. Беларусь, Менск.