РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Яўгенія Янішчыц
Вершы
Кантэкстны тлумачальны слоўнік
Самае блізкае
Блінцовы пах дымоў.
Рабіна каля плота.
Пажухлых палыноў
Зьнямелая гаркота.
 
Пары мядовай дні.
Стары дзядусь патрошку
Глянцуе ў цішыні
За дошчачкаю дошку.
 
Ах, будзе жоўты  стол
I жоўценькая бочка!
Сівенькаму – пад сто:
Ні дочак, ні сыночкаў.
 
З далёкае вайны,
У самым грозным леце
Разьвеяны яны,
Нібы дымы па сьвеце.
 
Глухому салаўю
Ня трэба нотаў велькіх.
Наступніцу сваю –
Гадуе дзед зямельку.
 
 
 
 
Падабаецца     Не падабаецца
2009–2020. Беларусь, Менск.