Да сьлязінкі прамыю ваконца, Будзе ласкай хмялець галава. О, якое ўлюбёнае сонца: Сьнег прачэшацца, гляне трава! Ой, ды іншае долі ня трэба, Хоць зьнясло крыгаломам масты. О, якое сінюткае неба: Сьнег прачэшацца, глянуць лісты! Будзе год залаты, хлебадайны, Грозны год ярыну абміне. Як вясна, я стаю маладая У шырокім і чыстым акне. Толькі дзіўная сінь, толькі дрэвы, Толькі ласкай баліць галава!.. Ты шукаў маю сьцежку? Дарэмна. Сьнег кладзецца, і гіне трава.
|
|