Таму што сьнег кладзецца галубіны
|
Дыхне вясной з абуджаных двароў, I голас жаўры данясецца з поля. Усё жыцьцё – паэзія і кроў, Усё жыцьцё – трываньне і спатоля. Варушыць вецер зьніклае гальлё, Ды толькі мне спасланы жалю гукі. Як дрэва апусьцелае гальлё, Заломвае мая свабода рукі. Усё было, было ў мяне, апроч Твайго крыла, пляча твайго, адзіны. Але пабач, якая сёньня ноч I як сьняжок зьлятае галубіны! З бруі крынічнай голас твой ляплю, Перабіраю струны-успаміны, Таму што так абвострана люблю, Таму што сьнег кладзецца галубіны.
|
|