РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Алесь Гарун
Вершы
Кантэкстны тлумачальны слоўнік
*  *  *
Хай ня льюцца дажджы цёмна-хмарныя
          Над зьмярцьвелаю пашаю.
Хай пачнуцца гады хлебадарныя
          Над зямелькаю нашаю.
Хай красуецца жытам, пшаніцаю,
          Каласочкамі цяжкімі,
Хай ўзмацуецца Боскай правіцаю
          I ўсятворчымі ласкамі.
Хай асьвеціцца праўды навукаю
          I братэрскаю згодаю,
Хай зьнявечацца крыўда з прынукаю
          За яе загародаю,
Хай ўзьлятаець хвала яе племені,
          Упякнёнага цнотамі,
Хай шыбаець над скаламі з крэменю,
          Над арлінымі ўзьлётамі.
 
 
 
 
Падабаецца     Не падабаецца
2009–2020. Беларусь, Менск.