РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Алесь Пісьмянкоў
Вершы
Кантэкстны тлумачальны слоўнік
Лета

#I
Добра ўставаць да сонца,
Як раіць знаёмы клясык,
Ісьці за мычаньнем сонным
Зорак, Лысух і Красак.
Сонца яшчэ за борам,
Пэўна, салодка дрэмле,
Пеўні нястройным хорам
Будзяць яго дарэмна.
Цялятка ружовай пыскай
Цэдзіць ваду з азерца,
Клясык у стольным Менску
Толькі яшчэ кладзецца.

 

#II
Ты хвалішся:
«Паголена!»
А я жартую:
Стрыжана...
Усьмешка задаволена
Вусы варушыць рыжыя.
Хоць прыказка ня новая,
Душа касцова ўсьцешана:
Жытнёвая,
Вясковая,
Чакае пад алешынай,
– З утомаю!
– З утомаю!
Спрадвечнае... Знаёмае...

 

#III
Нядрэмны ветах
Павіс над домам
На схіле лета
Над стромай стомы.
Над зжатай нівай,
Над полем ячным,
Над сном шчасьлівым –
Пшанічна-смачным.
 
 
 
 
Падабаецца     Не падабаецца
2009–2020. Беларусь, Менск.