RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Janka Kupała
Vieršy
Kantekstny tłumačalny słoŭnik
Zašumieŭ les razhukany
∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙
 
Zašumieŭ les razhukany,
          Nivy zadryžałi,
Zadryžałi i tyrany,
          Što biadu stvarałi.
 
Zašumiełi, zahrymiełi
          Mahutnyja pieśni:
«Doŭha, doŭha my ciarpiełi, –
          Dola, vola, ŭskreśni!»
 
I hladzicie, što za dziva!
          Narakać nia treba –
Bujna ŭzojdzie naša niva,
          Budzie vołi, chleba.
 
Dzie lažałi dzirvanami
          Panskija abšary,
Dzie kazionnyja viakami
          Puściełi huščary,
 
Dzie była adna pustynia –
          Jełki dy biarozki, –
Pole budzie, pušča zhinie,
          Stanuć chaty, vioski.
 
Zaharycca sonca smahaj,
          Duch ludu i siła,
Dola, vola jasnym ściaham,
          Zorkaj ŭzyjdzie miłaj,
 
∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙
 
Viercie pieśni – skora, skora
          Hety dzień nastanie, –
Ŭžo ŭzdymaje ludaŭ mora
          Praŭdy panavańnie.
 
Paŭstavać buduć tyrany,
          Ale my nia źlažam,
Kryvioj zbryzhajem palany,
          A svajho dakažam.
 
Naša hora, našy ślozy,
          Kroŭ i pot kryvavy
Stanuć ŭ śpioki i marozy
          Za našyja pravy.
 
Z hrudziej našych paniasiecca
          Vir piesień hrymučych.
I ŭ adzin hołas źłijecca,
          U adzin mahučy.
 
«Śmierć tamu, chto chleb astatni
          Biednym vydziraje!
Śmierć tamu, chto na lud bratni
          Kajdany ŭździavaje!»
 
2.VI.1906
 
 
 
 
Padabajecca     Nie padabajecca
2009–2020. Biełaruś, Miensk.