RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ryhor Baradulin
Vieršy
Kantekstny tłumačalny słoŭnik
Koni
A vyvieźłi stolki epoch
I stolki abłoh uzarałi,
Što čuŭ niedzie ŭ niebie
Boh,
Jak pachła ralla syraja.
 
Chaciełasia być na kani
I ratniku i arataju.
Čakałi rasprežana dni,
Chto ichni hałop zabrytaje.
 
Imčałisia naŭskapyta
Viaki –
I adstałi koni.
– Dzie końniki? –
Jurja spytaŭ,
Nia źlezšy z kania na ikonie.
 
Viazuć skakunoŭ,
Ciahunoŭ,
Jak niekałi pieŭnia łisica,
Mašyny.
Niama cyhanoŭ,
Ukraści ci choć prycanicca.
 
A jak siŭka-burka na smak,
Abied čarnaburka čakaje.
I hryva ŭ dziadoŭi naŭzmach
Da traŭ prydarožnych ściakaje.
Nia treba natuhi laza,
Zaciataść imhniennaja ŭ toka.
I padaje z konskaha voka
Ciažkaja ad bolu
Ślaza.
 
 
 
 
Padabajecca     Nie padabajecca
2009–2019. Biełaruś, Miensk.