Я за табой, як сьлед,
Усьлед, усьлед
Па цаліку нясьмеласьці ступаю.
Сусьвет мой,
Сьвет мой,
Змрок мой і прасьвет,
І цемра ўсёвідушчасьцю сьляпая.
Пакуль ёсьць ты,
Ёсьць я такі, як ёсьць.
Цябе кахаю –
Значыць, я існую.
Тваёй спакусы запазьнелы госьць,
Пільную згоду –
Яблыню лясную,
Каб не кранулі завязь халады,
Каб яблыку мальбы
Было дзе ўпасьці,
Каб не ўрачы і ў думках
Слова шчасьце,
Шукаю вір,
Забыўшы на брады...
|
|
