РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
*  *  *
Жвірынкі лірыкі на дне
Ракі
Па імені Жанчына.
Вір апраметна заглыне,
Прыветна хваля захлыне,
Сум ахіне,
Што аблачына.
 
Вынырвай,
Патанай,
Плыві,
Надзею май убачыць бераг,
Шчырэй да ламаты ў крыві,
Хоць будзе –
Плыні не крыві –
Твой лоб у гузаках,
Што ў бэрах.
 
Душу дарма не барані,
Калі да дна дапасьці трэба,
Каб не баяцца глыбіні.
А вецер возьме з далані
Жвірынкі –
Папялінкі неба.
 
 
 
 
Падабаецца     Не падабаецца
2009–2019. Беларусь, Менск.