РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Рыгор Барадулін
Вершы
Кантэкстны тлумачальны слоўнік
*  *  *
Заўхом руда,
У чарапочку вада –
Мыцца ката падахвочвае
Прымаўка,
Бруднага ёй шкада,
Спрыяе спагада жаночая.
 
Мыецца кот, стараецца.
А з матчынага вакна
Сіні дымок не сьціраецца
З прысьвітку да відна.
 
Бяда не бяда,
Кот мыецца – на гасьцей.
У чарапочку вада,
Робіцца змрок гусьцей.
На жуду
Лісток-перазімак лапоча.
Разьбіўся той, што трымаў ваду,
Выпаў у прымаўкі з рук
Чарапочак, –
Кот перабег ёй дарогу.
Агонь падмёў падлогу...
 
 
 
 
Падабаецца     Не падабаецца
2009–2019. Беларусь, Менск.