RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ryhor Baradulin
Vieršy
Kantekstny tłumačalny słoŭnik
*  *  *
A toj chłapčuk sa mnoj
To błizka, to daloka,
Naiŭnaściu lasnoj
Napoŭnienaje voka
 
Hladzić cikaŭna ŭśled,
U śviet idu kudy ja,
A jabłynievy ćviet
Na plečuki chudyja
 
Apaŭ,
Jašče nia loh
Na stoh čupryny śnieham.
I radaść, i spałoch
Biahuć niaśpiešnym bieham.
 
Dasiul na chłapčuku
Kašula nie źłiniała,
Što maci na ciamku
Kačałkaju kačała.
 
Vychodziłi viasnoj,
Dajšłi da žaŭtałiścia.
Choć chłapčuku sa mnoj
Stupać niama karyści.
 
Ale cieraz hady
To ŭpieradzie, to popleč,
Nia cišačy chady,
Idzie moj śmiech,
Moj pokłič.
 
Dyk heta ž ja i jość –
Mały chłapčuk toj samy,
U śviecie tolki hość
I viečny syn u mamy.
 
Jak daŭni doŭh, raście
Moj prychavany soram.
Na pryciemnaj viarście
Prysiadziem, pahavorym...
 
 
 
 
Padabajecca     Nie padabajecca
2009–2019. Biełaruś, Miensk.