RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Ryhor Baradulin
Vieršy
Kantekstny tłumačalny słoŭnik
Kałoža
Danucie Bičel-Zahnietavaj
 
Kałoža –
Biełaruskaja ŭdava,
Nadziejaj i trymajecca nad prorvaj.
Jak, čas,
Raŭniva nieba ni zavorvaj,
Vałoškaju prykiniecca trava,
Viasiołaj Vasiłichaj, Vasilka,
Jaki pabraŭsia ź pieśniaj,
Hožaj žonkaj,
Kab nie spłyła zaśviečanaju plonkaj
Ciažkaja pamiać
Pana-mužyka,
 
Što panavaŭ
Nad ciomnaj aralloj,
Apanavaŭšy
Zornyja razłohi,
Što moh paviesić
Vietašku na rohi
Sušycca
Łapać ź ciopłaju ziamloj.
 
Što zmusiŭ nieba
Zaŭvažać carkvu,
Jakuju ŭzroŭje ŭźniesła
Nad virami,
Chaŭrusiŭ z zaviruchami,
Ź viatrami,
Kab charastvom
Małicca bahaŭstvu.
 
Płyvuć vianki pa Niomnu,
Jak płyty,
I žmurycca bajnicami
Kałoža.
Pasłuchaj,
Jak jana pytaje:
– Boža,
Kałi my aŭdaviełi,
Ja i Ty?
 
 
 
 
Padabajecca     Nie padabajecca
2009–2019. Biełaruś, Miensk.