З кім гэта я замяніўся вачыма, З кім і калі? Жыць, як ня бачу цябе, немагчыма Ні на зямлі, Ні ў летуценных нябёсах на зорах. Чуе мой зрок Кожны твой подых, Твой шолах, Твой шорах, Лёткі твой крок. З кім гэта я памяняўся рукамі, З кім і калі? Вобмацкам дотык цябе сустракае – Не адхілі! З кім гэта я памяняўся вятрамі, З кім і калі? – Каб да цябе берагамі, ярамі Вейна вялі. З кім гэта я памяняў сьмех На смутак, З кім і чаму Па чарнатропу прывёў першапутак Ценю твайму?
|
|