РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Людміла Рублеўская
Вершы
Кантэкстны тлумачальны слоўнік
*  *  *
Чорнае неба
                          над гэтай зямлёй блаславенай.
Крышыцца ціша на сотні асколкаў зьвяглівых.
Не нараджае багіню азёрная пена,
Не вырастаюць між купаў ядлоўцу алівы.
Ціха ідзе Герастрат да забытага храма.
Сьцены кране –
                                    і, забыты, вяртаецца ў немач.
Вогнішча паліць жабрак
                                                      ля касьцельнае брамы.
Курчацца ў полымі кнігі
                                                      пра славу і веліч.
Вабіць дарога, якую прамень пазначае
Ад падваконьня –
                                        да белага берага поўні.
Край блаславёны
                                        калыша ў прадоньнях маўчаньне,
Белы прамень
                                пазначае паэтавы скроні.
 
 
 
 
Падабаецца     Не падабаецца
2009–2020. Беларусь, Менск.