 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Хлопчыку дазволілі загінуць.
Хлопчыку са скарбам у душы...
...Помніш, быў садоўнікам Скарына,
Ну а Колас мытарам служыў,
Багдановіч вывучаў законы...
А закон пляваў на Божы дар –
Быццам дыямэнтавай каронай
Забіваць цьвікі прыдумаў цар.
Бо для ўлады чалавек – што куля,
Хоць са срэбра – абы ў ствол загнаць.
...Ці ж вясковай зразумець матулі,
Кім сынок забіты мог бы стаць?
За абраз яго схавае вершы –
Для яе ён – сын, а не паэт,
I таму – адзіны і найлепшы.
І таму – яго ня ўспомніць сьвет.
Разьбірацца ўладары ня любяць,
Дзе з каго найбольшая карысьць.
І жыцьцё ляціць на вецер трубны –
Павуцінкі срэбраная ніць.
...I Багрым з ружжом па пляцы крочыць,
I нацдэмаў сьцеражэ Гулаг.
...І ў зямлі чужой зарыты хлопчык
Зь лірай залатою на грудзях...
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
