РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Людміла Рублеўская
Вершы
Кантэкстны тлумачальны слоўнік
Даная
Дождж залаты твайго каханьня
Працяў сухія камяні.
Я двойчы бачыла сьвітаньне
У тым бясконцым,
                                          палкім дні.
 
Любой сьцяной
                                  схавай жанчыну,
У мармур апрані яе –
Яна адчуе пах крушыны
I попел зор у палыне.
 
Ёй дадзена самой прыродай
Трапяткасьць
                              і чуцьцё бяды...
Жанчына не спытае:
                                              «Хто ты?»
А вечна моліцца:
                                      «Дзе ты?»
 
 
 
 
Падабаецца     Не падабаецца
2009–2020. Беларусь, Менск.