Грукоча глуха прэс друкарскі, Шуміць папера. Плача Бог. I распладзіўся вокрык царскі, I паляцеў на сто дарог. I мы згубілі, што ня мелі, I аддалі сябе за так. I ваўкалакі сто вясельляў Ператварылі ў ваўкалак. Паны зьмяніліся ў палацах, У бок чужы вязуць лясы, А ў гарадах на брудных пляцах Сьцягі, людскія галасы. Зьмяніць няволю на няволю, Нібыта на трызьненьне – сон... I нельга зразумець ніколі Народ, што сам ідзе ў палон.
|
|