РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Людміла Рублеўская
Вершы
Кантэкстны тлумачальны слоўнік
*  *  *
Толькі балота ня здрадзіць ніколі.
Прыме тваю адбалелую душу.
Сьвет патанае ў самоце паволі.
Гіне краіна паэтаў нядужых.
Толькі балота ня здрадзіць...
                                                                У нэтрах
Шчыра схавае і зьвера, і князя.
Подых дрыгвы пад дарогаю шэрай –
Штучная скура асфальту ўзьнялася.
Толькі балота...
                                  А што застаецца
Нам у нявернай смузе верасьнёвай?
Гаці гаціць непакорлівым вецьцем,
Покуль зьбіраюцца ў замку на ловы?
Толькі... Над глебай, парослай крыжамі,
Лётае сіні балотны агеньчык.
Толькі цікуе дрыгва пад нагамі,
Покуль з дарогі саступіш у вечнасьць.
 
 
 
 
Падабаецца     Не падабаецца
2009–2020. Беларусь, Менск.