Усё было не ў навіну – Абраза, боль і скон. І быў забраны на вайну, І трапіў у палон. Вяртаўся ён зь Нямеччыны Падсечаны, зьнявечаны. Здаецца, сьціснуўся ў кулак Закрачаны вагон, Ня ў дом бацькоўскі, А ў ГУЛАГ Пад вартай ехаў ён. Вяртаўся ён з Саветчыны Падсочаны, прасьвечаны. Як ні ўцякаў, А наўздагон У палыновы сон За ім ішоў пад вартай дзён Палон, палон, палон. І з галавой павіннаю Вянчаўся з дамавінаю.
|
|