 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
На дасьветнай вярсьце,
У ваколіцы золку,
Дзіўны волатны сьцень
Нам адкрыўся на ўзгорку.
Чый ён – нам не відно –
Гэты сьцень нерухомы.
Хоць паставай – даўно
I да болю знаёмы.
Мы ідзем і глядзім,
Пілігрымы Айчыны.
Морак нікне, як дым,
I сплывае ў лагчыны.
Шлях ня ўходаў круты.
Не адолела стома.
Скора, скора, браты,
Мы пачуемся дома.
Скора, скора ўжо дзень,
Блісьне сонечны промнік.
Каліноўскага сьцень
Ператворыцца ў помнік.
1993
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
