Перахрысьціўшыся ў другую веру, Усё былое крэсьліш ты заўзята. I нават Перамогу, як хімеру, Адрынуў і не прызнаеш за сьвята. Адно цябе яшчэ крыху бянтэжыць, Што бацька твой – Там, у магіле брацкай – Застаўся верны, як байцу належыць, Таму, што клятвай змацаваў салдацкай; I што аднойчы, супачыўшы ў Бозе, Ты зь ім спаткаесься, і ён спытае: «Няўжо ты здрадзіў нашай Перамозе – I для цябе яна ўжо не сьвятая?..» Дык ты ня бойся гэтага спатканьня. Яго ня будзе. Бацьку, хоць і грэшны, У сьветлы рай пусьцілі Пётра з Паўлам, Тваю ж душу чакае лёс няўцешны.
1993
|
|