 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Дзяды! Ну што ж вы, нашы родныя,
Намер вітаеце злачынны –
Вы, мудрацы сівабародыя,
Айцы Айчыны?
Ці вы, пражыўшы век, ня знаеце,
Як душыць душы накіп пошлы,
Як труціць сэрцы яд нянавісьці?
Дзяды! Ну што ж вы?!.
Хоць з вас і вытравілі нелюдзі
Чуцьця прыроднага нямала –
Вам не да твару біцца ў нераце
Самаабмана.
Вы шлях прайшлі, агнём пазначаны.
У вас на целе – куляў прошвы.
Адкуль жа стынь да мовы матчынай?
Дзяды! Ну што ж вы?!.
Як горка бачыць: адыходзячы
З жыцьця навек – нібы з кватэры,
Вы мову гасіце, суродзічы
Дабра і веры!
Як бы сьвятло, што ў час бясхлебіцы
Жывіла дух наш несьвятошны,
Унукам заўтра не спатрэбіцца...
Дзяды!.. Ну што ж вы?!.
1993
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
