Ясным, чыстым ранкам велікодным, у жытло маё, мой церам з кніг, Завіталі з добрым словам родным трое маладых. Трое, акрылёных сьветлай верай у Хрыстовы дні. Трое, не прыгнечаных хімерай д’яблавай хлусьні. Што іх прывяло? Яшчэ з парога з трох сказаў адзін: «Ведайце, мы гонару народа сплюндрыць не дадзім!..» Хростам сэрца і душы няўгледным я на гэта бласлаўляю іх – яснавокіх, гордых, непадлеглых трое маладых.
2004–2007
|
|