РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Ніл Гілевіч
Вершы
Кантэкстны тлумачальны слоўнік
«Ветрык» і «Менка»

                                                            Пра што падумалася
                                                            на канцэрце гэтых
                                                            пеўчых гуртоў


 
Нягоднік
дубінкай падлеткаў зьбівае –
Каб вылі ад болю, каб пець не маглі.
А «Ветрык» сьпявае,
I «Менка» - сьпявае, –
Сьпяваюць! Бо гэта іх лёс на зямлі.
 
Бо ветрык ёсьць ветрык –
зьвініць перазвонна
У струнах дасьпелага ў полі жытца.
Бо Менка ёсьць Менка –
і ў памяці вольна
Журчыць векавечнаю нотай жыцьця.
 
Бо «Ветрык» і «Менка» –
пяюць сугалосна.
А гожа – няйначай анёлаў гурты.
Ім хочацца жыць у дзяржаве нязлоснай.
У сьветлай – як сонечны дзень залаты.
 
2007
 
 
 
 
Падабаецца     Не падабаецца
2009–2020. Беларусь, Менск.