Была дыктатура танкаў На мірнай зямлі маёй. Сказалі: на зьмену ёй Ідзе дыктатура банкаў. Ад танкаў тых цень наўкола Цямрэў на маёй зямлі, І ў ім ледзь відаць былі Бальніца, і клуб, і школа. Цяпер на зямлі, мне любай, Ад банкаў згусьціўся цень, І ў ім не відно і ўдзень – Ні школ, ні бальніц, ні клубаў. Чаму ж, можа, хто зьдзівіўся, Ня бачны зусім яны? Таму што стаў цень двайны: Пазьнейшы з ранейшым зьліўся.
2000, сьнежань.
|
|