РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Уладзімер Караткевіч
Вершы
Кантэкстны тлумачальны слоўнік
На пачатак «Каласоў пад сярпом тваім...»
Шчасьлівы паўнатою сталай сілы.
Спакойнае натхненьне гоніць сон.
Далёка ад мяне калыска і магіла,
І слабасьць дзён вясны,
                                                      і мудрасьць зімніх дзён.
 
Дні, як вякі, амаль ня маюць меры,
І сіла ў рукі просіцца мае.
Пры новым дрэве я паклаў сякеру,
Каб на сьвітаньні ў рукі ўзяць яе.
 
Хай шлях даўгі ты не дасі мне, доля.
Зрабіўшы ўсё і дзён спыніўшы бег,
Спакойна потым лягу я, як поле,
Пад чысты і халодны зімні сьнег.
 
1969
 
 
 
 
Падабаецца     Не падабаецца
2009–2020. Беларусь, Менск.