РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Максім Танк
Вершы
Кантэкстны тлумачальны слоўнік
*  *  *
Я зноў вярнуся да цябе,
Мая пакінутая ніва,
На новай веснавой сяўбе
Прапець табе аб днях шчасьлівых.
 
Пайду за вёску на гару,
Дзе вецер на жалейцы сьвішча
I гоніць раньнюю зару
На пажаўцелае іржышча.
 
З надзеяй новай у грудзях
Там стрэну залатую восень
I прынясу ў сваіх руках
Цяжкое золата калосьсяў.
 
Я зноў вярнуся да цябе,
Мая пакінутая ніва,
На новай веснавой сяўбе
Прапець табе аб днях шчасьлівых.
 
1936
 
 
 
 
Падабаецца     Не падабаецца
2009–2020. Беларусь, Менск.