РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Максім Танк
Вершы
Кантэкстны тлумачальны слоўнік
Лісьце каштанаў
За шэрым схіленым парканам
Скрыпіць пясок сырых дарог,
Спадае медны ліст каштанаў
На жоўты стоптаны мурог.
 
Ідзеш, яго рукамі ловіш, –
Злавіўшы, пусьціш, хай ляціць, –
Зноў не шумець яму ў дуброве,
Вясеньніх шолахаў ня піць.
 
I сумаваць яшчэ так рана,
Калі ўдаль маніць сьцежак гладзь,
Калі на шум лясны ў тумане
Умееш песьняй адказаць,
 
Калі так хочацца сьмяяцца,
Што бачыш ты і чуеш ты,
Як ціха сыплюцца праз пальцы
Каштанаў звонкія лісты.
 
1937
 
 
 
 
Падабаецца     Не падабаецца
2009–2020. Беларусь, Менск.