Зноў у аркестры скрыпачоў На струн гарачых пазалоту Прыносяць жоўты шум лістоў I страх, паложаны на ноты. Загаласілі тут і там Смычкі тугой дажджлівай, шэрай, Ды наша маладосьць сьлязам I сумным песьням не паверыць, – Калі з калючых мы дратоў, З астрожных кратаў і бэтону Бяз крэсіва, без тапароў Жывыя высякалі тоны. Барозны чорныя цяпер Ахоплены зары пажарам, І ўся зямля даўно, павер, Чакае грамавых удараў.
1938
|
|