РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Максім Танк
Вершы
Кантэкстны тлумачальны слоўнік
*  *  *
Прыйшоў дзеяч вядомы,
Прынёс паперы ліст,
I дамачка з альбомам,
I нейкі арганіст.
Палітык просіць оду,
У сейм ён кандыдат,
Зрыфмуй, што для народа
Ён – кум, і сват, і брат.
А дамачцы – аўтограф
Ці напішы санэт,
Зь якім было б ёй добра
Сушыць і ліст, і цьвет.
Апошні просіць: – Сьвятам
Прыедзе ў госьці сын,
Хацеў бы мець кантату
Ў дзень слаўных імянін.
Я дзьверы адчыняю,
Кажу гасьцям: – Пардон!
Вам «Шлях» пакажа, знае
Пяўца такога дом.
А госьці бровы хмураць,
Крык узьнімаюць, шум.
Сказаў жа нейкі дурань,
Што вершы я пішу!
 
1938
 
 
 
 
Падабаецца     Не падабаецца
2009–2020. Беларусь, Менск.