РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..      
 
 Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Максім Танк
Вершы
Кантэкстны тлумачальны слоўнік
*  *  *
Калісь пілі, гулялі
з падскокамі і сьвістам
з зачараванай краляй
храмыя мадэрністы.
 
Адзін сягоньня дрэме
бяз формы і бязь зьместу;
другі пячэ паэмы
зь ясенінскага цеста.
 
I толькі яшчэ краля,
∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙ ∙
нактурны на раялі
вясеньнія сьпявае.
 
Адні цяпер такія, –
ядуць хлеб без натхненьня.
Хаця б перажылі як
яны час «адраджэньня».
 
1.IV.1938.
 
 
 
 
Падабаецца     Не падабаецца
2009–2020. Беларусь, Менск.