Заўсёды поўначчу, калі Прачнуцца пад вясеньнім шумам Разьлівы родных рэк, палі, – Мяне наведываюць думы: Якімі гукамі струны Ці песьнямі я ўвекавечыў Дні гора, нашай славы дні I гэтых зораў бляск спрадвечны? З далі сінеючай на мель З прыбоем вынесла суровым Шмацьцё разьбітых каравэл, – Паэмаў адзьвінеўшых словы. Нібыта часу не было Агледзець ветразі калісьці, Праверыць кожнае вясло I прасмаліць жывіцай днішчы. Таму, калі цяпер сьпяшаць Па славу лёгкую ў прасторы, Я не імкнуся тых дагнаць, Чый недалёкі шлях у моры. Бо нам патрэбна у жыцьці Адкрыць яшчэ шляхоў нямала, Шмат невядомых Атлянтыд I нездабытых перавалаў.
1944
|
|