З паэмы "Нарач"
Заіграла скрыпка
Гулкім пералівам,
Як вясна іграе, як пяе жняя,
Як у чыстым полі, каласістай грывай
Да зямлі прыпаўшы, плача сіратліва
Паласа стаптаная мая.
За пявуньняй-скрыпкай
Заіграў гармонік,
Загулі чмялямі тэнары, басы,
Ўдарылі ў падлогу, ў сьцены з хвояў гонкіх,
У бары, ў гушчары, ў струны сосен звонкіх
Сьнежнаю завеяй галасы.
А у гэту буру
Бліскавіц, вясёлак
Гром цымбалаў кінуў п’яны музыкант.
I ў адказ на гром той, яркі і вясёлы,
Віхрам закружыўся збуджаны пасёлак,
Вербы, зоры, серп маладзіка.
1937
|
|
