 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Пад ракітавым кустом
Заяц збудаваў свой дом –
Ну і майстра, ну і дом –
Вецер ходзіць там кругом!
Вокны мохам залажыў,
Дзьверы шышкамі прыкрыў
Ну і заечы палац –
Лес наўкол зь яго відаць!
Зьверху дом накрыўся сам
Нейкім папаратнікам.
Ну і цёплая страха –
Не засьнеш без кажуха!
А калі засьнеш зімой,
Дык з завеяю ліхой
Забярэцца ў дом мароз,
Прабярэ цябе наскрозь,
Каб ад сьцюжы не сканаць,
Мусіць заяц ноч скакаць.
Ну і заяц, ну і дом
Пад ракітавым кустом!
1951
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
