– Добры дзень, мая суседка, Чарнабровая Анэтка, Папрасіў мяне Сымон Перадаць табе паклон. – Шчыра дзякую, Іване, Што прынёс мне прывітаньне. Ты змарыўся ў полі, знаць, Адпачыць са мной прысядзь. – Добры дзень, мая суседка, Чарнабровая Анэтка, Папрасіў мяне Юстын Перадаць табе язьмін. – Дужа дзякую, Іване, За букет і за стараньне. Бачыла цябе я ў сьне... Можа зойдзеш да мяне?.. – Добры дзень, мая суседка, Чарнабровая Анэтка, Сёньня папрасіў Рыгор, Каб я сватам быў яго... – Што ж ты адказаў Іване? Што ж баішся ў вочы глянуць? Як жа ты згадзіцца мог I прыйсьці на мой парог?!. – Ой, ня гневайся, суседка, Чарнабровая Анэтка, Што падвёў сваіх сяброў – Сам у сваты я прыйшоў.
1954
|
|