Узышоў зноў ясны месяц, На лады ўсе перапеты Ў вершах даўніх і сучасных Бардаў, песьняроў, паэтаў, Што аж стаў дэтальлю сьцёртай, Рыфмай, як стары цьвік, зьбітай. Але мне ён неабходны, Хай даруе строгі крытык. Сапраўды ён узышоў тут, Па-над Нараччу шырокай, Сапраўды пасерабрыў ён I трысьцё ўсё, і затоку, I такія пэрлы, чары Сыпнуў на жывыя хвалі, Што – «I я з табой плыву ўдаль...» – Мне рыбачка прашаптала. Не ўзыдзі такі вось месяц Ноччу летняй салаўінай, Не паехала б, магчыма, На начны палоў дзяўчына, I ня мог бы я пра месяц Гэтай сьветлай песьні скласьці, I бядней была б зямля ўся На адно людское шчасьце.
1954
|
|