Дзе парк алеі скрыжаваў, Хтось на зямлі нарысаваў Прабітае стралою сэрца. Не наступіце на яго, Калі вясна зьвініць кругом I расьцьвітае ўсё на сьвеце! Яго пакінулі ня так. Мо' гэта – стрэчы ўмоўны знак, Прызнаньне, клятва або ласка, Пачатак песьні веснавой, Сьлед навальніцы над зямлёй Ці зноў паўтораная казка. I вы, хто ў маладосьці час Пакінуў на зямлі хоць раз Прабітае стралою сэрца, – Не наступіце на яго, Калі вясна зьвініць кругом I расьцьвітае ўсё на сьвеце!
1955
|
|