360 Скажы, дзяўчына, на маёй радзіме, Калі б я прадчасна загінуў, Што патануў, змагаючыся, і на дно Пайшоў, як карабель, поўны скарбаў. #К. I. Галчынскі
Гальфстрым! Я нават чую яго подых Гарачы, неспакойны, ад якога Аж застагналі рэі парахода З трывогай. Я не пасьпеў закрыць ілюмінатар, Як шторм запеніўся з усіх старон. Бурліць пад намі акіяна кратэр, Грыміць над намі хмар хаўтурны звон. Гальфстрым! Гальфстрым! Яшчэ ня ўсё радзіме Я перадаў, а ты за мною крочыш. Няўжо апошняй песьні не дасі мне Дакончыць?!
1961
|
|