 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Дыміць туман на полі, на лугах.
Брыдуць па пояс у вадзе рабіны.
I не відаць, куды нырае шлях,
I не пазнаць знаёмае мясьціны.
На поўдзень адлятаюць журавы.
Што ж не знайду старой бацькоўскай хаты?
Мо' і яна празь нівы, паплавы
Ўзьнялася разам з выраем крылатым?
Тут недзе шыпаўскія берагі,
Парослыя аерам ды ракітай.
Як шлемы нейкіх волатаў, стагі
Стаяць з чубамі парыжэлых вітак.
Дыміць туман. Мо' лепш перачакаць,
Пакуль зара не прыадчыніць дзьверы?
Павінны хутка пеўні засьпяваць
I зарыпець над студнямі асьверы.
1962
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
