Я пісаў зямлі многа лістоў Пяром, якім пішуць лірычныя песьні, Гімны розныя, маніфэсты; Пісаў я смыкамі ўсіх скрыпак, Якія сьмяюцца і плачуць; Пісаў сьпіцамі дрогкіх калёс, Якарамі і мачтамі караблёў, Штыком і сапёрнай лапатай; Пісаў кубкамі, зь якіх п'юць За здароўе і вечную памяць, – Але пакуль што Адказ атрымаў я Толькі на ліст мой, Напісаны плугам. Вось ён. Парэжце на скібы яго. Частуйцеся. Ешце.
1964
|
|