RODNYJA VOBRAZY Vobrazy miłyja rodnaha kraju,               
Smutak i radaść maja!..
      
 
Jakub Kołas
    Hałoŭnaja      Słoŭniki           Spasyłki      Ab sajcie       Кірыліца      Łacinka    
Maksim Tank
Vieršy
Kantekstny tłumačalny słoŭnik
Pieršaje palavańnie
Jak tolki ŭsie na palavańnie pajšłi
U biełyja ŭ połi sumioty maŭčańnia,
U zmročnyja chvoi pryhod niezvyčajnych,
U recha razbudžanych honam dałin, –
 
I ja sa svaim łapavuchim Žučkom,
Uzbroiŭšysia jadłaŭcovym kijkom,
Za chataj znajšoŭšy śled niejkaha barsa,
Pa netrach prysadaŭ za źvieram pahnaŭsia.
 
I choć hety źvier akazaŭsia katom,
Što razam sa mnoj potym hreŭsia na piečy,
Mnie śniŭsia ŭ zimovy toj pamiatny viečar
Rahoŭ palaŭničych raskacisty hrom.
 
I bačyŭ pad vyvaraćciu rasachataj,
Kałi raschinuŭ chmyźniaki, dzierazu,
Jak u svaim łohviščy vaŭčaniaty
Bukvar moj dakučny, padzioršy, hryzuć.
 
1966
 
 
 
 
Padabajecca     Nie padabajecca
2009–2020. Biełaruś, Miensk.