– Добры вечар, добрыя людзі! Можна ў вас Хоць на хвіліну спыніцца будзе На папас? Даўно ў завею з шляху-гасьцінца Зьбіліся. Ці можна коням у вас напіцца, Даць аўса? Ці можна ў хату зайсьці, пагрэцца, Шапкі зьняць; Як вам шчасьлівіцца, як жывецца – Распытаць. Ёсьць у нас гулкая скрыпка і бубен, Музыка ёсьць; Ёсьць што паставіць, ёсьць што прыгубіць За маладосьць. Мы асачылі ў вас птушку-кралю, Хацелі б знаць: Ці згодны, каб ёй даў шнур караляў Будучы зяць? Вы згодны! Гэй, сябры, стаўце «Старку» На стол хутчэй! Я, сват, п'ю сёньня першую чарку За вас – чарцей!
1967
|
|