РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Максім Танк
Вершы
Кантэкстны тлумачальны слоўнік
*  *  *
Даўно – яшчэ ў юнацтве –
Дамовіліся з доляй
Сустрэцца на дарозе,
Што пралягае ў полі.
 
Каторы раз іду я
Мясьцінай запаветнай
Празь перазвон птушыны,
Барвовы золак летні.
 
Ды не ўдаецца стрэцца,
Мо' зьбіліся з дарогі
Ці мо' не пазнаём мы
Ужо адно другога...
 
Яна – праходзіць побач.
I я – праходжу міма...
I толькі вецер вее
У вочы жытнім дымам.
 
14.V.1975.
 
 
 
 
Падабаецца     Не падабаецца
2009–2020. Беларусь, Менск.