РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Хведар Чэрня
Вершы
Кантэкстны тлумачальны слоўнік
*  *  *
Пазнаваць нам душы чалавечыя,
Бо рэнтгенам не прасьвеціш іх,
Бо жыве ў іх самая адвечная
Таямніца таямніц усіх.
 
Нешта ёсьць падобнае ў крыніцы:
Колькі б ні вычэрпваць і ні піць,
А яна струменіцца, бруіцца,
Хоча злых і добрых наталіць.
 
Нешта ёсьць падобнае у дрэва:
Вырастае крона ад ствала,
А пад дзёрнам цемру і карэньне
Між сабой зямля перапляла.
 
Нешта ёсьць падобнае у ночы:
Па-над чарнатой, што аблягла
Паўпланеты,
Хвалямі пляскочуць
Акіяны зорнага сьвятла.
 
Не бывае ўсё ж сакрэтаў вечных!
Веру, прыйдзе свята адкрыцьця!
Сьвеціць ясна розум чалавечы
Над вялікай прагнасьцю жыцьця.
 
 
 
 
Падабаецца     Не падабаецца
2009–2020. Беларусь, Менск.