 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Са сьвятам добрым не ў варожасьці,
Калі ступіў на сьцежку дня,
Мяне вучыла асьцярожнасьці
Мая вялікая радня.
Пасьля дажджу з ардой вясковаю
Ня бегаў я ручай прудзіць,
Баяўся ў неба васільковае
Нагамі босымі ступіць.
Блукаў між дрэў па травах ціха я,
Каб не спалохаць дзе дразда,
І камнем бусла ды з бусьліхаю
Ня гнаў ніколі я з гнязда.
Са школьнай партай
Быў як зьліты я,
О, хоць бы сшытак не прымяць!
Выводзіў першую я літару,
А потым прозьвішча, імя.
Пазьней… Пазьней, калі пад скрыпачку
Іграў музыка “папуры”,
Я выпускніцу, як пярыначку,
Кружыў да ранішняй зары.
І вось ужо у сьвет даросласьці
Дарога торная бяжыць…
Мяне вучылі асьцярожнасьці,
А як жа зь ёй у сьвеце жыць?!
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
