РОДНЫЯ ВОБРАЗЫ Вобразы мілыя роднага краю,               
Смутак і радасьць мая!..
      
 
Якуб Колас
    Галоўная      Слоўнікі           Спасылкі      Аб сайце       Кірыліца      Łacinka    
Якуб Колас
Вершы
Кантэкстны тлумачальны слоўнік
Вясна
Вясна, вясна
Жаданая!
Ты прыйдзеш зноў,
Ты вернешся!
 
Вясёлы сьпеў,
Прыветлівы
Вады ў руччах
Пачуецца.
 
Ачнецца гай
I зь песьнямі
Ў зялёны ліст
Адзенецца.
 
Напоўніць лес
Птушыны сьвіст,
Травою луг
Акрыецца.
 
А з полудня
З маланкаю
Хмурыначка
Націсьнецца,
 
I першы гром,
Як музыка,
Таемна так
Пракоціцца.
 
Зямелька ўся
Ўскалышацца,
Дажджом яна
Абмыецца.
 
Ў прыродзе ўсё
Народзіцца,
I маладосьць
Ёй вернецца.
 
Ды толькі мне
Ня вернешся,
Ня вернешся
Ты, моладасьць,
 
Вясна, вясна
Жаданая!
Ты вернешся,
Ты вернешся!
 
 
 
 
Падабаецца     Не падабаецца
2009–2022. Беларусь, Менск.